الجمعة، 10 أغسطس 2012

اَلْحُبُّ اَلْمَسْمُومُ






أَنَّى أُسَمِّمُ حُبّك بِدَاخِلِي.... اُقْتُلْهُ اُمّ أَنَّهُ يَقْتُلُنِي.... لَمْ أَعُدْ أُرْغبُ بِهِ حُبًّا لِحُبِّي.... اُمّ أَنَّهُ مَازَالَ يُرَغِّبُنِي.... قُلْ لِي إِذَا سَمَحَ

اَلْغَرَامُ؟..... أَلَم نَكُنْ فِي يَوْمٍ مِنْ اَلْأَيَّامِ أَحْلَام.... وَكُنَّا مَثَّلَ اَلسَّحَاب اَلذَّائِب فِي اَلسَّمَاءِ.... مِثْلَ اَلنَّسِيمِ اَلْمُحَمِّلِ بِالْهَوَاءِ.... مِثْلَ

اَلثَّلْجِ كَمَا يَذُوبُ فِي اَلْمَاءِ..... وَلَكِنَّك لِمَ تُرَاعَى وَلِمَ تَرْعَى ....هَذَا اَلْحُبُّ.... وَتَرَكَتْهُ لِي كَيْ أَتَحَمَّلَهُ وَحْدِي..... كَيْفَ لَك أَنَّى

تَرَانِي وَتَرَانِي.... اِعْتَصَرَ مِنْ حُبِّك عَصْرًا.... وَأنَادَى... وَلَا أَجِدُ مَنْ يَسْمَعُنِي غَيْرِي...... هَلْ لِي أَنْ اُقْتُلْ ذَلِكَ اَلْحُبّ بِدَاخِلِيٍّ

....؟ .....اُمّ أَنَّهُ سَوْفَ هُوَ مَنْ يَقُومُ بِقِلَّتِي .... !


الخميس، 24 مايو 2012

ضاعت احلامى


ضاعت احلامى ... ضاعت ايامى .... وسنين بعيشها وبس
راح فين هوايا .... دا كان معايا ... مش عارف ازاى هحس
فاضت دموعى ... وخلصت شموعى .... معرفش هعمل ايه دلوقت
طب مين معايا ... طبب فين داويا .... ومش عارف اعمل ايه فى الوقت
وقلبى هعمل فيه ايه ... وحبى مش هبكى عليه... وبكره لازم اشوف فيه ايه
لا مش هموت من الاه ... لا مش هعيش لهواه ... وبكره لازم اعيش وانساه
قلبى فى ضلوعى ...ماسك دروعى .. عشان لحبه ما استسلمش
انا لازم اقسى ... انا لازم انسى ... عشان فيه ما افكرش
وقلبه ... وانا مالى بيه .... وحبه راحت عليه .. وبكره لازم ميكونش فيه
دا انا مش غيره هعيش .. دا انا لازم عليه مبكيش ... وبكره لازم يكون فيه حياة

الاثنين، 2 يناير 2012

نفسى اعشق

نفسى اعشق واكون عاشق..... ويبقى سهم الهوى راشق .........

................. فى قلبى واحس يومها ان بقيت عاشق

نفسى اعشق اى حاجة ....

حاولت اعشق اللى قدامى

...... لاقيت اللى قدامى بعيد وعشقى..... قصير ميطلهوش

حاولت اعشق اللى على يمينى

..... بصيت له بطرف عينى ... ومبصليش .. مبصتلوش

حاولت اعشق اللى على شمالى

.... لاقيته نادالى ...وقالى متبصليشى ... مكلمتوش

حاولت اعشق اللى ورايا

........ لاقيتنى مشفتهوش .. لاقيت حاجات تشق العشق شق ومعشقهوش

حاولت اعشق نفسى

.......... جوايا ملاقتش فيا اى شوق... شوق لمين وانا اللى معايا فيا واازى اكون عاشق وابقى المعشوق

.. وقولت لنفسى ...... العشق مش كلام بالبق ... يخلى القلب يدق.... وتبقى الروح بتلق ..... العشق .. شق جوا القلب ... يسكن فيه المعشوق.

بصيت لفوق

تعشق .... العشق بشوق .... من غير اى معشوق وميكونش فى اى طوق

ادينى بتعلم

ادينى بتعلم .. ومهما بتالم .. هفضل ماشى الطريق

دا الجرح اهو معلم .. ومش هقدر استسلم.. وانا فى عينيا بريق

لازم اعيش واجرب كل حاجة واستحملها

مش لازم ابعد واسكت واقول مش هعملها

هحاول واجرب يمكن اقدر وروحى تعلمها

دى كل حاجة بتبقى صعبة فى اولها

ايه يعنى اتعب نفسى .. وملاقيش نتيجة

اكيد فى تعبى دا .. عرفت حقيقة

وكل ما هتعب .. اكيد هلاقى

دا مفيش حد بيعرف كل حاجة .. كدا فى دقيقة

لازم مقعش.. ولازم مقفش.. واكمل من النقطة اللى انا وصلتها

انا مش هرجع من سكة انا بداتها ... انا هكلمها

انا عارف انى اقدر ... بس محتاج اعقلها

زى الـــ لمونة


زى الـ لمونة... بتعصر

فى الكوباية... بتحصر

وينكب عمرى نقطة ورا نقطة...

وكأن الحياة شفطة ورا شفطة

واتصور فيها بكام لقطة

ببقى ساعات مخلل وساعات احس انى بتحلل

وفى الحالتين بحس انى مش حاجة ولو حبيت اكون حاجة تقف قصادى 100 حاجة

والناس ظلمونى ودايما يلومونى وعلى طول بيحسسونى انى مش هوصل

واكون انسان يعيش فى زمان يحط العيش على السكر

بحس انى ساعات زاعق ساعات ضايع ساعات ساقع ساعات واقع فى هم كبير وبطلع منه بالالام وبالاحلام و بالتفكير فى السكر

ما انى زى الــ لمون ببقى ساعات عاقل وابقى ساعات مجنون

واشرب من العصير المر ... واعيش العمر وانا مش حر

واسيبه يمر لحد ما الاقى كوباية متحصرنيش متعصرنيش

متحرمنيش من الانسان

عاوز أكون انا

مش عاوز ابقى زيك ولا عاوز ابقى زيها
عاوز ابقى زى حاجة عمر ما حد سمع عنها

ايه يعنى لما ابقى جديد غريب عجيب
ولا اقلد حد حتى لو كان الحد دا رهيب

و لو حتى هفضل جاهل وهتعلم الحاجة فى 100 سنه
مش همشى ورا حاجة مش فاهمها انا

مش عاوز ابقى روش ولا عاوز اكون طحن
لو حتى هعيش كئيب وروحى تخلص منها الشحن

انا عاوز اكون انا ولو حتى هفضل زى ما انا
ولو حتى هبقى سيس واكون حفيد لابليس
طالما انا مقتنع يبقى ميزعلش عليا اى عزيز
الا اذا انا قررت ... واتغيرت... انى اكون ... حد يصون....لنفسه كرامه ... ويبقى فيه شويه شهامه



عاوز الناس تحبنى من غير سبب

يحسوا بس ان كل ال فيا دا ادب

أكون حد يقدر ولا عمره يِنحَنَنا
وابنى مستقبلى خطوة خطوة واكون قد البنا
مش عاوز اكون حاجة تترمى فى الفنا
او اكون زى ناس كتيرة عايشة عيشة ضنا
او اكون زى ناس بتحلم حلم وتحققه فى سنه
مشكلتى فيا انا ... انى عاوز اكون انا

نفسى اكون عايش للفرح والهنا
ولا اشيل هم للدنيا ولا افكر فى اى عنا
ولا اشغل بالى بحاجة تخلينى ولو فى لحظة فى عكننة

ولو حتى هتعدى عليا الثانية بسنه

محدش ليه دعوة بيا ولا ليا دعوة بحد انا

ما قولتلك انى انا عاوز اكون زى ما انا

محدش يلعب فى عقلى لان عقلى دا بتاعى انا

ولو مخى هيفضل فى مطروح وهكون انا فى قنا

انا عاوز اكون زى ما انا


ما هو انتى يا انا ... لازم اكونك انا

حروف

انها حروف قد يكون لها علاقة بالماضى .. وقد لا ... او انها حروف قد يكون لها علاقة بالمستقبل .. وقد لا ... او انها حروف بين ذاك وتلك ... وقد لا ... انها فى الحقيقة .. محاولة لاخراج شىء ما ... لا اعلم ما هو ... ولكنى اريد اخراجه ... بهذه الحروف .